【官宣】維拉買斷古天奴　轉會費抵到爛

最強博彩盤路過關神器《串績王》：http://win.on.cc/football/　

巴塞隆拿正式宣布，同阿士東維拉達成協議，以2,000萬歐元將中場菲臘比古天奴出售畀呢支英超球隊，維拉將會同呢位29歲巴西國腳簽約4年。

菲臘比古天奴今年1月以借用身份由巴塞轉投阿士東維拉之後，上陣16場入4球及3次助攻，領隊謝拉特滿意呢位前利物浦隊友表現，於是促成球會買斷佢。

事實上，巴塞早已經想賣走古天奴，但一直搵唔到買家，為免將來人財兩失，惟有以低價2,000萬歐元出售畀維拉，比巴塞2018年1月向利物浦收購古天奴嘅價錢，少超過1億歐元，真係蝕大本。

不過，巴塞隆拿同維拉嘅交易加入特別條款，如果維拉將來出售古天奴，巴塞可以分到一半轉會費，希望盡量減少損失。