車仔紅軍成「鐵人隊」　今季比賽場數屬歐洲之冠

最強博彩盤路過關神器《串績王》：http://win.on.cc/football/　

今屆英足盃決賽將由車路士對利物浦，兩隊有一個共通點，就係今季比賽場數非常多，根據統計，當今季結束時，雙方將會同樣踢63場比場，屬於歐洲各隊之冠。

車路士今季分別出戰歐超盃、世冠盃、歐聯、英超、英聯盃、英足盃，共合6項賽事，其中世冠盃、英聯盃、英足盃一路打入決賽，球隊至今各項賽事已經踢咗60場，剩下1場英足盃決賽及2場英超，換言之車仔今季總比賽場數達到63場。

至於利物浦亦不遑多讓，本身已捧咗英聯盃冠軍，並打入歐聯及英足盃決賽，同時排緊英超第2位，力爭成為4冠王。紅軍4線作戰，比賽自然多，今季已經踢咗59場比賽，仲有4場比賽未踢，包括2場英超、歐聯及英足盃決賽，最終同車路士一樣踢63場。

不過，一季踢63場並非歐洲球會紀錄，因為車路士曾於2012/13年球季踢68場，屬於史上最多，至於皇馬、曼聯同樣試過踢一季66場。