祖記重簽普巴在望　合約細節曝光

足球博彩神器，每日重心提供盡在《彩報》：http://win.on.cc/football/　

曼聯中場保羅普巴將於今季結束後，自由身離隊，據悉皇馬、巴黎聖日耳門、祖雲達斯都有意簽入呢位29歲法國國腳，最新消息指祖雲達斯已經向普巴，開出一份800萬鎊年薪合約，吸引佢回巢。

英國《鏡報》指祖雲達斯喺爭奪普巴形勢上佔優，除咗開出800萬鎊年薪合約之外，仲有一大筆獎金同簽約費，同埋願意以普巴為核心打造球隊，令佢成為呢支意甲勁旅嘅新領袖人物。

事實上，保羅普巴效力祖雲達斯期間，踢出球員時期顛峰水準，早已傳出佢有意重返祖記。近年多位曼聯球員去意甲搵食，都有出色表現，普巴加盟祖記可能係翻身好機會。

保羅普巴2012年夏天以自由身從曼聯轉投祖雲達斯，協助球隊奪得4次意甲冠軍，曼聯2016年夏天用8,900萬鎊買番普巴，如果佢最終真係再次免轉會費重返祖記，呢支意甲豪門肯定成為最大贏家。