馬古尼連迪路夫爆衝突 曼聯操練腰斬

2022年05月14日 08:02
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
英國《太陽報》爆料,指曼聯周四(12日)操練期間,有2位「資深球星」發生衝突,導致操練被逼提早結束,令今季陷入低谷嘅紅魔鬼雪上加霜。英媒其後報道,爆衝突兩人是隊長哈利馬古尼及其後防拍擋域陀連迪路夫
曼聯上周末英超以0比4慘敗畀白禮頓之後,看守領隊蘭歷克畀球員放假4日休息,點知復操後,球星們並冇好好反省,更加有2人喺操練時發生衝突,需要隊友及職員拉開佢哋,氣氛非常火爆,令在場人士目瞪口呆。
由於當時操練已經接近尾聲,蘭歷克干脆提早結束訓練,要求球員返回更衣室。
最新消息稱,今次衝突主角是哈利馬古尼同域陀連迪路夫,報道指事件起因是馬古尼在分組賽中出現失誤,連迪路夫不滿指罵,兩人先則口角繼而動武,馬古尼日前與女友秘密註冊結婚,以為佢「結婚轉運」,連知反而令佢更加暴躁,喺操練中同隊友衝突。
曼聯今季只剩下1場英超,將於5月22日晚作客水晶宮,以球隊近期低迷表現,加上今次爆發內訌,恐怕贏波機會唔樂觀。