哥迪奧拿「跳草裙舞」：今年內唔會續約

最強博彩盤路過關神器《串績王》：http://win.on.cc/football/　

利物浦主帥高普早前續約至2026年，外界都關注佢嘅勁敵曼城領隊哥迪奧拿會唔會都跟隨續約，但哥帥似乎無意仿傚，表明今年內唔會同「藍月亮」簽新合約。

哥迪奧拿將於明年夏天約滿，一直有傳曼城會方極力遊說呢位51歲西班牙名帥續約，但哥帥反而嘆慢板，佢話：「如果我續約，應該會係下季季尾，我已經執教曼城多年，想再留隊多10年，但必須更專注做好每一件事。」雖然哥迪奧拿口中話好想長期留效曼城，但卻未肯提早續約，難免令人懷疑佢是否真心效忠。

哥帥2016年成為曼城主帥之後，已經協助球隊奪得3次英超、1次英足盃、4次英聯盃冠軍，惟獨仍然未能捧歐聯，據悉哥奧迪拿希望畀自己多一季時間，睇睇下季能否率領曼城完成宿願，成為歐聯盟主，再決定去留問題。