曼聯Fans放心　C朗暗示留隊

最強博彩盤路過關神器《串績王》：http://win.on.cc/football/　

曼聯痛失下屆歐聯入場券之後，球星C朗會否留隊備受關注，呢位37歲射手接受球會官網訪問時，話好期待同下季新帥坦哈格合作，意味佢將會繼續履行餘下1年合約。

C朗當選英超4月最佳球員之後，接受球會官網訪問，期間講到對於坦哈格嘅睇法：「我知道坦哈格為阿積士創造佳績，係1位經驗豐富嘅主帥，但我哋必須畀佢足夠時間，按照佢嘅意思作出改變，如果佢做得好，曼聯就會成功，我哋都為坦哈格嘅加盟，感到高興同興奮，我哋必須相信下季可以贏得冠軍。」

由此可見，C朗仍然希望最起碼要為曼聯奪得獎盃，先至完美告別，早前亦有消息指坦哈格主動向C朗示好，希望佢下季繼續留隊，擔任核心角色。