車路士改着黃衫　望擺脫本土盃賽二奶命

足球博彩神器，每日重心提供盡在《彩報》：http://win.on.cc/football/　

車路士將於周六(14日)晚英足盃決賽同利物浦爭冠軍，雙方曾於今屆英聯盃決賽交鋒，車仔互射12碼敗陣，認真唔好彩，球隊為咗避免重蹈覆徹，竟然諗到「換衫轉運」大法，今仗將會放棄着傳統主場藍色球衣，改着作客黃色波衫。

車路士今季曾經着主場球衣，捧歐超盃及世冠盃，照計藍衫應該旺車仔，但踢本土盃賽卻係另一回事，原來車路士近4季着藍衫出戰本土盃賽決賽，有5次屈居亞軍，包括今屆英聯盃不敵利物浦。

另外，車路士上屆英足盃決賽着主場球衣比賽，結果輸畀李斯特城，前屆決賽不敵阿仙奴，加上2018/19年度英聯盃決賽、社區盾，車仔着藍衫都輸畀曼城，真係唔到你唔信邪。

車路士今場英足盃決賽改着黃衫，大家就睇下佢哋可唔可以打破宿命。