法賓奴缺陣英足盃　準備歐聯決賽復出

最強博彩盤路過關神器《串績王》：http://win.on.cc/football/　

利物浦中場法賓奴喺上仗英超對阿士東維拉一役受傷，領隊高普已經確認呢位巴西國腳將缺陣周六(14日)晚英足盃決賽對車路士，但高普同時透露，法賓奴可於香港時間5月29日凌晨歐聯決賽復出對皇馬，算係不幸之中嘅大幸。

高普話：「在此之前，我哋仲未係好清楚法賓奴嘅傷勢情況，但依家可以講，佢出戰歐聯決賽，絕對冇問題，法賓奴係1位好專業嘅球員，對於無緣英足盃決賽，難免會感到失望，佢現時正在同時間競賽，準備歐聯決賽上陣。」

除咗英足盃決賽之外，利物浦今季仲有2場英超，分別作客對修咸頓，主場對狼隊，最後踢歐聯決賽對皇馬，法賓奴養傷期間，將由佐敦軒達臣頂替佢嘅正選位置。