戴巴拿經理人英國現身　投曼聯或阿仙奴

最強博彩盤路過關神器《串績王》：http://win.on.cc/football/　

阿根廷前鋒保羅戴巴拿今夏約滿離開祖雲達斯，不過下一站仲未確定，英國傳媒報道，佢嘅經理人近日於倫敦現身，傳聞呢位28歲球星將以自由身加盟阿仙奴或曼聯。

戴巴拿今年3月已宣布唔同祖記續約，最初傳佢會轉投國際米蘭，同另一阿根廷前鋒拿達路馬天尼斯合作，不過佢同經理人似乎希望睇定啲，過嚟英超睇吓有冇球會啱踢。

意大利傳媒報道，戴巴拿經理人正同心儀嘅英超球會搭路，只要有球會開出年薪連獎金達到680萬鎊，戴巴拿就願意加盟。

消息指，曼聯同阿仙奴都有機會簽佢，曼聯名氣大但來季預算唔多，戴巴拿自由身就最啱，阿仙奴亦有機會，不過戴巴拿經理人想睇定啲先，如果兵工廠取得歐聯資格，戴巴拿就會考慮加盟。