多蒙特煞科變歡送會　夏蘭特入波告別

最強博彩盤路過關神器《串績王》：http://win.on.cc/football/　

周日(15日)凌晨德甲煞科戰，已經鎖定亞軍位置嘅多蒙特，主場以2比1反勝哈化柏林，呢場比賽亦變成多蒙特嘅「歡送派對」，艾寧夏蘭特等多位球員喺今仗後就會離隊，焦點人物夏蘭特亦不負所望，以1個入球作為告別禮物。

曼城早前啟動夏蘭特合約中嘅買斷條款後，呢位挪威前鋒下季將轉戰英超，多蒙特賽前亦特別舉行歡送儀式，向佢送上鮮花以及一幅「多謝艾寧」嘅橫額，同夏蘭特一齊告別嘅仲有韋素、薩加度、舒姆沙、路文貝基同馬雲希斯，總監索斯亦結束44年嘅「蜜蜂兵團」生涯。

哈化柏林今場要為護級而戰，18分鐘由貝科迪爾射入12碼領先，不過多蒙特68分鐘由夏蘭特回敬1個12碼追平，新星尤素法莫高高更喺完場前6分鐘「絕殺」反勝。哈化柏林輸波後跌落尾3，將要同德乙季軍踢升降班附加賽。