曼聯新衫曝光 C朗「全包」廣告預示留隊

20220515
東網電視
更多新聞短片
最強博彩盤路過關神器《串績王》:http://win.on.cc/football/ 
曼聯今季成績慘淡,球隊已經將注意大放喺下季身上,其中C朗拿度嘅去留都係焦點之一,而日前網上流出一輯曼聯下季波衫宣傳圖,當中C朗更「全包」主場、作客同第2作客波衫廣告,預示呢位葡萄牙球星極可能會喺下季繼續留隊。
網站《The United Stand》日前發布多張未公開嘅曼聯新波衫宣傳圖,主場嘅紅色波衫係以98/99球季「三冠王」嘅款式作為靈感,作客同第2作客波衫就會用白色同黃色,不過款式都係其次,最大話題係海報入面嘅人物,流出圖片中「有份」參與嘅包括般奴費南迪斯、艾蘭加、查頓辛祖等重建主力,而C朗就分別為3件波衫拍攝宣傳照,相反保羅普巴、拉舒福特等就未見影縱。
C朗日前喺曼聯官網亦對新帥坦哈格發表意見,表明「我哋」明年會捧盃:「我希望坦哈格取得成功,因為佢成功就代表曼聯成功,球員同球迷都好興奮,我相信明年我哋會贏得冠軍。」