重演10年前戲劇性奪冠 哥帥:唔好呱!

20220516
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
曼城周日(15日)英超同韋斯咸打和失分,好可能要去到煞科日決定冠軍誰屬,曼城依家領先利物浦4分但踢多1場,如果「紅軍」贏晒最後2輪,曼城煞科戰對阿士東維拉就非勝不可。對於曼城有可能重演10年前煞科日首奪英超嘅劇本,領隊哥迪奧拿就話:「唔好呱!」
曼城逼和韋斯咸後,哥迪奧拿表示:「我哋只要贏最後一場就封王,到時主場一定爆滿,我保證所有球員會獻出生命去爭勝,喺自己球場贏波兼成為聯賽冠軍,係一個千載難逢嘅機會。」
2012年英超煞科日,曼城以得失球壓倒同分嘅曼聯,喺贏波即封王情況下,「藍月亮」去到補時先連入2球,戲劇性反勝昆士柏流浪奪冠。哥迪奧拿被問到會唔會重演呢幕,佢就話:「唔好,唔好再用呢種方式呱?如果結局一樣都OK,數字上同當年係相似,但10年前係屬於阿古路同嗰支球隊,今場肯定難打,我哋會盡所有能力去贏冠軍。」