坦哈格即赴曼聯開工:C朗係重心!

20220516
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
荷甲周日(15日)煞科,已鎖定聯賽冠軍嘅阿積士作客2比2和維迪斯後,教練坦哈格亦正式卸任,呢位荷蘭教頭賽後宣布唔會參隨阿積士外訪,即刻飛英國展開曼聯備戰工作,期間更表明C朗拿度將會係重要人物,令呢位葡萄牙球星留隊機會大大提升。
阿積士完成荷甲賽季後,將會拉隊飛去庫拉索進行宣傳同踢熱身賽,不過坦哈格表示:「聽日會同職員有個派對,但我唔會飛去庫拉索,大家都明白,我喺曼聯有好多工作要處理,聽日開始就要全部進行。」據報曼聯煞科戰對水晶宮,坦哈格有機會入場觀戰。
對於曼聯未來大計,坦哈格就點名話C朗係重要人物:「曼聯有好多質素好高嘅球員,我哋要令佢哋成為一個團隊咁運作,C朗當然係一份子,佢係一個巨人!」C朗日前亦喺訪問中表示支持坦哈格,2人關係似乎唔錯,相信來季合作機會好大。