祖高美斯嚴重扭傷　利物浦近期已有4人受傷

最強博彩盤路過關神器《串績王》：http://win.on.cc/football/　

利物浦喺周三(18日)凌晨英超作客以2比1擊敗修咸頓，但亦付出沉重代價，後衞祖高美斯嚴重扭傷足踝，成為紅軍近期第4位傷兵，英超及歐聯雙線爭標蒙上陰霾。

利物浦領隊高普今仗大幅輪換陣容，包括收起阿歷山大阿諾特，由祖高美斯擔任正選右閘，但呢位24歲後衞踢完上半場就退下火線，由佐敦軒達臣入替，據悉祖高美斯嚴重扭傷足踝，可能缺陣5月29日凌晨歐聯決賽對皇馬。

利物浦近期連接出現傷兵，中場法賓奴喺英超對阿士東維拉一役拉傷肌肉，其後英足盃決賽鬥車路士，紅軍攻守主力穆罕默德沙拿、華基爾雲迪積克都受傷，幸好呢3人傷勢唔算嚴重，預料可以喺歐聯決賽披甲，至於下場英超煞科戰利物浦主場對狼隊，佢哋未必會上陣。