紐卡素財大氣粗　重金收購曼聯2號門將

最強博彩盤路過關神器《串績王》：http://win.on.cc/football/　

英超「新土豪」紐卡素計劃今夏大肆增兵，英國《曼徹斯特晚報》指「喜鵲」將會率先斥資4,000萬鎊收購曼聯後備門將甸恩軒達臣，令佢成為英超史上第3貴門將，僅次於阿列沙巴拿加、艾利臣比加。

紐卡素早於今年1月冬季轉會市場已經提出簽入甸恩軒達臣，但當時未能達協議，呢支有沙特阿拉伯主權基金撐腰嘅英超新豪門再接再厲，今次出到4,000萬鎊轉會費，肯定令曼聯難以拒絕。

事實上，紅魔鬼正選門將位置一直由迪基亞把持，甸恩軒達臣今季僅3次上陣，英超更加0上陣，所以呢位25歲英格蘭鋼門早有離心，相信樂意加盟紐卡素。

曼聯可以高價出售1位後備球員，對於球會亦有利，特別係新帥坦哈格急需要資金今夏增兵，賣走甸恩軒達臣可以籌到一筆重要收入。