傳麥巴比續約PSG　媽媽：同2隊都傾掂數！

足球博彩神器，每日重心提供盡在《彩報》：http://win.on.cc/football/　

法國前鋒基利安麥巴比嘅去向成為近期熱話，一直有傳佢會喺法甲煞科後，以自由身加盟皇家馬德里，不過法國、西班牙媒體最新消息，指麥巴比好可能會同巴黎聖日耳門(PSG)續約，呢位法國國腳嘅媽媽就公開表示，麥巴比同PSG以及皇馬都傾掂數，就快會作出最後決定。

關於麥巴比嘅轉會問題，佢父母一直都有參與，媽媽Fayza Lamari周五(20日)證實：「PSG同皇馬開出嘅條件幾乎係一樣，我哋同兩間球會都達成咗協議，嚟緊亦唔會有新嘅會議，依家就等麥巴比選擇，我哋等待佢嘅最後決定。」

不過，多間媒體都指麥巴比將會選擇留喺PSG，《Eurosport》爆料話麥巴比會續約至2025年，條件包括超誇張嘅3億歐元簽字費，以及1億歐元天價年薪！