羅馬大勝壯聲威　譚美阿巴謙破60年紀錄

最強博彩盤路過關神器《串績王》：http://win.on.cc/football/　

周六(21日)凌晨意甲，羅馬作客以3比0大勝拖連奴，結束球隊今季聯賽，為出戰下周四(26日)凌晨歐協聯決賽對飛燕諾壯聲威。

羅馬前鋒譚美阿巴謙今仗梅開二度，以17個入球，打破封塵咗60年嘅紀錄，成為意甲史上單季最多入波嘅英格蘭球員。

羅馬贏得好輕鬆，33分鐘由譚美阿巴謙射入打開紀錄，呢位24歲前鋒9分鐘之後博到12碼，自己操刀主射入網。換邊後，羅馬再獲得12碼，今次由羅倫素柏歷堅尼射入，送3隻蛋畀拖連奴。

譚美阿巴謙上年夏天以3,400萬轉會費由車路士加盟羅馬，踢37場意甲入17球，超越1961/62年球季國際米蘭前鋒希捷斯入16球嘅紀錄，成為意甲史上單季最多入波嘅英格蘭球員。