英超邊有風流波？維拉搶880萬鎊排名獎金

足球博彩神器，每日重心提供盡在《彩報》：http://win.on.cc/football/　

英超周日(22日)舉行煞科日賽事，冠軍、歐洲賽同埋降班都仲有好大競爭，不過對於一啲中下游球隊嚟講，煞科戰亦絕對唔係「風流波」！事關英超排名相當值錢，每高1位就會多220萬鎊獎金，其中以阿士東維拉「上升潛力」最大，贏波有機會賺多880萬鎊獎金！

根據英超排名獎金分配，包尾球隊只有220萬鎊獎金，每升一級就多220萬鎊，冠軍球隊可袋走4,400萬鎊，所以每個排名都影響收入。喺煞科戰前，多支中游球隊分數相當接近，其中排第14位嘅阿士東維拉，贏波嘅話有機會升班最高第10位，足足多880萬鎊收入。

阿士東維拉依家落後第10位嘅白禮頓3分，而且得失球差亦有優勢，數字上確係有能力爬頭，不過維拉煞科戰對手係爭冠嘅曼城，想贏波難度極高。