曼聯離隊清單流出 竟然冇拉舒福特

2022年05月21日 21:01
東網電視
更多新聞短片
(Getty Images)
曼聯今夏大換血,將有大批球員離隊,候任主帥坦哈格抵達倫敦,準備接手曼聯工作,英國傳媒列出曼聯離隊清單,多達11人,不過盛傳獲巴黎聖日耳門垂青嘅拉舒福特則獲得留用。
呢份離隊清單其實有部份已經公開,保羅普巴、連格、卡雲尼、尼曼查馬迪、桑馬達5人均告約滿,將以自由身離隊,而菲爾鍾斯、艾歷拜利、安東尼馬迪爾、班頓威廉斯亦不獲留用。
至於雲比沙卡自從蘇斯克查被辭退後,看守領隊蘭歷克好少用佢,坦哈格亦冇將佢列入未來計劃,至於後備門將甸恩軒達臣近日獲紐卡素力斟,佢本人都想走,估計將被曼聯出售。
雖然季中一度傳出拉舒福特將被棄用,將轉投巴黎聖日耳門,不過坦哈格認為「福仔」潛力未盡,會繼續畀機會佢,但又有報道指留用「福仔」唔係坦哈格意思,而係會方唔想將呢位青訓產品出售,因此暫時逃過被清洗命運。