西甲眼紅 要求歐洲足協調查PSG財政超標

20220522
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
皇馬原本好大機會今夏簽入基利安麥巴比,但卻臨門失機,變相令下季西甲冇咗一大新賣點,引起西甲賽會不滿,要求歐洲足協調查巴黎聖日耳門(PSG)「以本傷人」,薪酬支出嚴重超標,有違反財政公平條例之嫌。
西班牙傳媒指西甲賽會非常關注基利安麥巴比去向,因為關乎西甲未來票房及各項商業收入,結果呢位射手同PSG續約3年,薪酬總值達6億歐元,此舉令西甲賽會十分不滿,認為呢間法甲球會原本總薪酬支出已達6.5億歐元,1季蝕近3億歐元,依家仲向麥巴比提供天價合約,實在不可思議,所以要求歐洲足協調查PSG是否違反財政公平條例,如果歐洲足協唔做嘢,西甲賽會可能會採取法律行動。
不過,歐洲足協近年唔妥皇馬,主席施費林更指皇馬係「歐超聯風波」始作俑者,隨時面臨歐聯禁賽5年,叫麥巴比唔好加盟「銀河艦隊」,恐怕今次應該會「偏幫」PSG,對財政超標問題一隻眼開,一隻眼閉。