人生贏家！22歲神兵已拎3大聯賽冠軍

最強博彩盤路過關神器《串績王》：http://win.on.cc/football/　

AC米蘭喺意甲奪得冠軍，伊巴謙莫域、基奧特等球星當然係主角，不過講到真正嘅「人生贏家」，就非西班牙球星巴謙戴亞斯莫屬，呢位中場依家只有22歲，但已經拎齊意甲、英超同西甲3大聯賽冠軍，認真犀利！

巴謙戴亞斯喺17/18球季，跟曼城拎到英超冠軍，當時只得18歲嘅佢並非主力，但亦有5次英超上陣紀錄；去到19/20球季，佢效力嘅皇家馬德里又拎到西甲冠軍，該季巴謙戴亞斯只上陣6場，但都有1個入波同1次助攻。

今季AC米蘭重奪意甲冠軍，巴謙戴亞斯就係球隊絕對主力，踢咗31場聯賽入3球。歷史上只有C朗拿度同丹尼路雷斯試過包攬意甲、英超同西甲冠軍，巴謙戴亞斯唔單止係史上第3人，仲係當中最年輕一個。