驚人巧合!曼城奪冠引發紅軍歐聯猜想

20220523
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
曼城僅以1分力壓利物浦封王,一切似曾相識,大家唔善忘嘅話都記得,2018至19球季曾經出現一樣嘅劇情,但再對比兩個球季積分榜,原來連前6隊排名都竟然一模一樣,相當巧合。
兩個球季由第1至第6名順序分別係:曼城、利物浦、車路士、熱刺、阿仙奴、曼聯,而且同樣係曼城同利物浦爭冠,相差1分,第4名同樣係熱刺力壓阿仙奴,幾乎連過程都一樣。
穆罕默德沙拿喺呢兩季都成為神射手,而且都要同人哋並列,2018至19球季同沙迪奧文尼及奧巴美揚分享,今季就同孫興民並列。
按此推算,當年曼城英超登頂後,利物浦雖然失落聯賽,但最後奪得歐聯冠軍,今季曼城再度奪冠,利物浦嚟緊歐聯決賽對皇馬,按劇情發展亦好有奪冠機會。當年曼城獲得本土3冠,若然紅軍贏歐聯,亦會成為3冠王。
但如果紅軍最終歐聯奪冠嘅話,一切條件將會同3年前一樣,回想2018至19球季,係喺全球爆發疫情之前,之後一季英超甚至全世界都因疫情停罷,世界大變,今季竟然巧合地重複疫情爆發前發生過嘅事,咁樣推演落去咪好恐怖?