坦哈格：C朗係計劃一部份　隊長或有變

最強博彩盤路過關神器《串績王》：http://win.on.cc/football/　

曼聯換帥之後，球星C朗去留，以至角色會否改變備受關注，新帥坦哈格大派定心丸，表明呢位37歲葡萄牙國腳屬於佢計劃一部份，因為C朗可以為球隊帶來大量入波。

坦哈格被問到對C朗有乜期望時，佢幽默回應：「等我同佢傾完之後，再話你知，當然C朗喺我計劃之內，因為佢可以入好多波。」C朗今季各項賽事為曼聯射入24球，入球率極高。

至於同樣受關注嘅隊長人選問題，坦哈格暗示，唔一定繼續由哈利馬古尼擔任：「馬古尼係1位好球員，為球隊作出好多貢獻，好期待同佢合作，但我要強調，下季係一個唔同嘅新球季。」言下之意，隊長人選可能出現變動。