曼城2功臣缺席勝利巡遊 惹離隊疑雲
20220524
東網電視
更多新聞短片
(Getty Images)
最強博彩盤路過關神器《串績王》：http://win.on.cc/football/
曼城奪得英超冠軍之後，舉行巴士勝利巡遊，但2位功臣加比爾捷西斯、史達寧唔見人，惹離隊疑雲。
曼城領隊哥迪奧拿同球員坐上開蓬巴士，喺曼徹斯特巡遊，沿途有大量球迷夾道歡迎，球員輪流高舉冠軍獎盃，同球迷分享喜悅，亦不忘飲酒歡呼，哥迪奧拿食雪茄，非常招積。
不過，煞科戰後備上陣貢獻助攻嘅史達寧，以及射手加比爾捷西斯，就唔見人，不禁令人懷疑2人可能今夏離隊。
史達寧只剩下1年合約，但仍未同球會達成續約協議，不時傳出佢可能今夏走人，至於加比爾捷西斯獲得阿仙奴垂青，近期有唔少關於佢入「廠」傳聞。
根據英國《太陽報》消息，加比爾捷西斯、史達寧都係因為有「重要家事」，無法出席勝利巡遊，至於真相係點，只有佢哋先至知。