蘭歷克犯眾憎　C朗一早表明「有佢冇我」

20220524
  • 東網電視
    更多新聞短片
    (Getty Images)
    最強博彩盤路過關神器《串績王》：http://win.on.cc/football/　
    曼聯今季徹底失敗，近日有傳媒發挖球隊下半季內幕，調查發現看守領隊蘭歷克上任不久已失去球員信任，王牌球星C朗更早於1月表明，如果蘭歷克轉為正式領隊，自己就會離開。
    《ESPN》訪問其中一位曼聯球員，佢話所有球員之前對蘭歷克一無所知，當會方宣布任命蘭歷克後，球員先至上網搵佢嘅資料，而蘭歷克帶嚟嘅助教亦名不見經傳。
    蘭歷克去年12月擔任看守領隊，合約只有半季，但佢喺曼聯嘅蜜月期相當短暫，甚至乎冇，主要原因係蘭歷克情商太低，喺記者會上口沒遮攔，向公眾任意批評球員，又披露球員私隱，令球員好冇面。
    早在1月，C朗已向會方表明，如果蘭歷克轉任正式領隊，佢自己會離隊，而類似C朗想法嘅球員，不在少數，導致士無鬥志。
    幸好球會最終並無續用蘭歷克，佢嘅看守領隊工作已經結束，對球隊嘅影響亦都完結。