「我只會踢波」 麥巴比否認干予朝政

20220524
東網電視
更多新聞短片
麥巴比(PSG官網)
足球博彩神器,每日重心提供盡在《彩報》:http://win.on.cc/football/ 
巴黎聖日耳門(PSG)成功續約基利安麥巴比,舉世嘩然,不斷有消息傳出,除咗天價高薪,PSG更向麥巴比開放權限,給予球隊管理生殺大權,包括撤換體育主管、教練,甚至球員買賣都可以提出要求,對於上述傳言,麥巴比周一喺記者會例牌否認。
外間盛傳,PSG體育主管李安納度已被辭退,仲係麥巴比要求炒佢,麥巴比對此並無正面回應,佢話:「如果球員向體育主管施加壓力,咁樣做好唔妥,每個人都應該喺自己位置上出力。如果要請一位新主管,係因為佢有能力,並要畀時間佢做嘢。」
佢仲話自己只識踢波,否認干予朝政:「我係一位足球員,如果你想同我交流,我可以同你講足球講幾個小時,我同其他人一樣,唔會去影響買賣球員嘅事,呢啲唔係我工作,我唔擅長做呢啲嘢,我淨係識踢波。」
至於主帥普捷天奴去留,麥巴比咁樣答:「我唯一保證,係佢嘅合約到2023年,我同佢關係好好,呢啲事要由會方決定,但我同佢相處非常好。」