迪基亞又落選西班牙名單　世界盃前途成疑

最強博彩盤路過關神器《串績王》：http://win.on.cc/football/　

西班牙國家隊主帥安歷基公布新一期大軍名單，曼聯門將迪基亞再次落選，反而賓福特門將大衞拉耶、白禮頓門將羅拔山齊士入選，令人懷疑安歷基已徹底放棄迪基亞，呢位31歲鋼門可能無緣參加今屆世界盃決賽周。

西班牙名單上3位門將，包括正選烏尼西蒙，至於大衞拉耶、羅拔山齊士同樣只曾為國家隊上陣1次，呢位3位門將無論經驗同名氣都遠不及迪基亞。

輿論認為迪基亞再次落選，好大可能同曼聯今季成績差有關，加上佢已經31歲，相比另外3位門將分別僅24至26歲，迪基亞進步空間有限，安歷基為球隊未來着想，所以棄用佢。

另外，巴塞隆拿成為西班牙國腳大戶，有6人入選，包括早前傷愈嘅新星安素法迪，仲有費倫托利斯、艾利加西亞、佐迪艾巴、布斯基斯、加維。

皇馬只有2人入選，分別係馬高阿辛斯奧、丹尼爾卡華積。西班牙將於6月初出戰歐國聯，對手包括葡萄牙、捷克、瑞士。