「玻璃雙翼」巴利夏薩特可出戰歐聯決賽

最強博彩盤路過關神器《串績王》：http://win.on.cc/football/　

皇馬收到好消息，2位翼鋒加里夫巴利、夏薩特已經傷愈，可以出戰5月29日凌晨歐聯決賽對利物浦。

加里夫巴利、夏薩特近日已復操，教練安察洛堤話：「夏薩特有足夠狀態踢歐聯決賽，巴利都係，所有球員都希望上陣，就算只係踢5至10分鐘都無所謂。」

加里夫巴利因為背傷，自從4月初一直缺陣，並錯過西甲煞科戰對貝迪斯，未能同球迷道別，安察洛堤日前已表示，可能會帶埋巴利踢歐聯決賽，作為佢嘅告別戰，呢位威爾斯國腳將於今夏約滿離隊。

至於同樣經常受傷缺陣嘅夏薩特表示下季會繼續留隊，更加要把握今場歐聯決賽證明身價。