曼聯新隊長3位候選人　C朗大熱但有致命弱點

20220527
  • 東網電視
    更多新聞短片
    (Getty Images)
    最強博彩盤路過關神器《串績王》：http://win.on.cc/football/　
    曼聯現任隊長哈利馬古尼下季面臨失去正選，新帥坦哈格早前暗示不排除更換隊長人選，英國傳媒列出3位最有機會接過隊長臂章嘅球員，包括C朗、般奴費南迪斯、迪基亞，當中以C朗最熱門。
    英國《鏡報》指早於C朗回巢曼聯初期，已經有呼聲要求呢位葡萄牙國腳擔任隊長，但佢唔想同馬古尼有衝突，所以拒絕。其後蘭歷克成為紅魔鬼看守領隊後，亦要求C朗喺更衣室多啲發聲，發揮領袖角色。
    如今坦哈格成為曼聯主帥，可能重新委任隊長，以C朗連續3個月當選曼聯最佳球員嘅演出，加上個人魅力及地位，自然最有資格戴上隊長臂章。
    不過，亦有意見認為C朗已經37歲，最多只會再效力曼聯1季，坦哈格應該將目光放遠啲，委任1位比較年輕嘅隊長，27歲嘅般奴費南迪斯係合適人選，畢竟哈利馬古尼缺陣時，往往由般費做隊長。
    至於迪基亞屬於曼聯近年表現最出色球員之一，加上資歷深，同樣有力爭奪隊長一職，依家就睇坦哈格點選擇。