PSG公布日本之旅　麥巴比有份

最強博彩盤路過關神器《串績王》：http://win.on.cc/football/　

法甲冠軍巴黎聖日耳門(PSG)公布將於7月前往日本，踢3場季前熱身賽，球隊宣傳海報有基利安麥巴比、美斯、尼馬，意味將以強陣出擊。

巴黎聖日耳門對上1次到訪日本，已經係1995年，球隊相隔27年再去當地比賽，會方隆重其事，絕大部份主力都會隨隊出征，宣傳海報就有基利安麥巴比、美斯、尼馬、沙治奧拉莫斯、馬昆奴斯哥利亞。

早前以天價人工續約嘅基利安麥巴比話：「我將會隨隊前往一個美麗國家，我感到好榮幸，隊友都係咁諗，希望趁今次機會近距離接觸熱情嘅日本球迷，並同當地球隊進行切磋，相信會係一次難忘嘅旅程。」

根據安排，PSG將會同3支日職球隊比賽，包括7月20日對川崎前鋒、7月23日對浦和紅鑽、7月25日對大阪飛腳，球隊仲會出席商業活動。