卡雲尼告別曼聯　一句話令人心碎

最強博彩盤路過關神器《串績王》：http://win.on.cc/football/　

曼聯前鋒卡雲尼將於6月尾約滿離隊，呢位35歲老將接受球會官網訪問，發表感性告別宣言，特別感謝球迷一直支持，無奈自己雙腳唔聽話，未能為紅魔鬼作出更多貢獻。

卡雲尼將於今夏離開曼聯，已經係公開嘅秘密，佢講番效力紅魔鬼2季生涯，感慨良多：「我誠心感謝曼聯球迷對我嘅支持，由我加盟曼聯第一刻開始，佢哋一直好尊重我，認同我對球隊嘅努力同付出，令我離開時可以留下美好回憶，其實今季我真係好想為球隊作出更多貢獻。」

卡雲尼成「魔」首季上陣39場入17球，表現備受讚賞，但C朗今季回巢曼聯後，呢位烏拉圭國腳作用大減，加上受傷患問題困擾，僅上陣20場入2球，最令球迷替佢不值係「被逼」讓出7號球衣畀C朗，改着21號。卡雲尼並未有透露去向，但盛傳佢有可能去美職搵食。