贈墨爾本城兩蛋　西部聯爆冷奪澳職總冠軍

足球博彩神器，每日重心提供盡在《彩報》：http://win.on.cc/football/　

周六晚澳職季後賽總決賽，西部聯射手阿歷山大比祖域先迫使對方擺烏龍，佢之後突破越位建功，協助西部聯以2比0擊敗衞冕嘅墨爾本城，成軍4年後首度奪冠，阿歷山大比祖域亦當選決賽最佳球員。

32歲阿歷山大比祖域是2018世盃塞爾維亞成員，見慣大場面：「我踢過歐聯，亦出席過世盃，我最喜歡踢大賽的感覺。」

「當我最初嚟到呢度，主教練話我知，季後賽總決賽就係最重要嘅比賽，而我對此早有準備，我好肯定入到決賽一定會贏。」

今仗左飛右撲力保不失嘅西部聯門將占美楊格賽後非常感動：「真係非筆墨所能形容，我對球會感到驕傲，今日係我人生之中最好嘅一日。」