訓練場親口宣布　阿巴謙投利物浦？

足球博彩神器，每日重心提供盡在《彩報》：http://win.on.cc/football/　

正隨英格蘭國家隊踢歐國聯嘅譚美阿巴謙，成為多間英超球會今夏收購目標，不過佢日前喺英格蘭一課練習後，就被影到親口向阿歷山大阿諾特表示：「我下季會加入你哋！」令唔少利物浦球迷非常興奮。

英格蘭日前進行分隊賽練習後，譚美阿巴謙同各球員握手，當佢同利物浦右閘阿歷山大阿諾特握手嗰陣，突然爆出一句：「我下季會加入你哋！」而成個過程都被攝影機影到，影片曝光後即被網民瘋傳，唔少利物浦球迷都話歡迎佢加盟。

利物浦今夏鋒線面臨執位，奧歷治已約滿離隊，沙迪奧文尼同羅拔圖法明奴亦盛傳可能轉會，領隊高普一直想物色一位新箭頭，而上季喺意甲入17球嘅譚美阿巴謙就係候選人之一，消息指阿仙奴對譚美阿巴謙亦虎視眈眈，而車路士就有優先回購條款。