澳洲擊敗阿聯酋　決戰秘魯搶世盃入場券

足球博彩神器，每日重心提供盡在《彩報》：http://win.on.cc/football/　

周三(8日)凌晨世盃外亞洲區附加賽，澳洲憑住一個幸運入波2比1擊敗阿聯酋，下周二(14日)凌晨會同南美洲代表秘魯決賽，爭奪1張卡塔爾世盃決賽周入場券。

呢場附加賽喺卡塔爾中立場舉行，上半場兩隊踢成均勢悶和0比0，換邊後澳洲率先發難，馬田保爾右路突破傳中，積臣艾雲入楔建功，不過4分鐘後阿聯酋就由巴西出世嘅前鋒卡奧追平。去到完場前6分鐘，澳洲前鋒曉魯斯迪禁區頂勁射，省中對手改變方向入網，澳洲憑呢個幸運入波贏2比1。

澳洲入球功臣積臣艾雲賽後表示：「完場笛吹起後當然有一刻興奮，但專注力已立即放喺『下半場』(對秘魯)，我哋今場踢得非常好，依家全隊都充滿信心，下場對秘魯一定會踢得更好。」