【官宣】加度素成華倫新帥　簽約2年

最強博彩盤路過關神器《串績王》：http://win.on.cc/football/　

西甲球隊華倫西亞正式宣布，聘請意大利名宿加度素擔任教練，雙方簽約2年，新一季要將「硬漢基因」注入球隊。

現年44歲嘅加度素曾經執教巴勒莫、AC米蘭、拿玻里等球隊，但成績都係麻麻，最威水係協助拿玻里奪得2019/20年球季意大利盃冠軍，但上年5月因為最後關頭痛失歐聯入場券，結果被拿玻里解僱。

休息1年之後，加度素對於可以成為華倫西亞主帥，感到好興奮：「華倫西亞係一支好受人尊敬嘅球隊，對足球充滿熱誠，亦令對手害怕，以往唔少強隊都喺華倫西亞主場敗陣，我哋一齊熱情迎接新球季。」

加度素球員時代以踢法硬朗見稱，西班牙傳媒認為佢可能將華倫西亞改造一支「鐵血球隊」。