阿辛斯奧要求加薪一倍　皇馬焗住賣走

最強博彩盤路過關神器《串績王》：http://win.on.cc/football/　

皇馬中場馬高阿辛斯奧只剩下1年合約，西班牙《馬卡報》指呢位26歲西班牙國腳要求加一倍人工，否則唔會續約。據悉皇馬方面拒絕馬高阿辛斯奧嘅要求，為免明夏人財兩失，準備今夏出售佢。

馬高阿辛斯奧上季各項賽事為皇馬上陣42次入12球，創下個人單季最多入球紀錄，亦係上季隊內入波第3多嘅球員，所以佢認為自己值得加人工。

事實上，馬高阿辛斯奧現時年薪僅稅後350萬歐元，屬於皇馬「低薪一族」，要求加薪續約都算合理。不過，皇馬管理層認為阿辛斯奧要求加薪一倍，並唔可以接受，希望今夏以4,000萬歐元將佢出售。據悉曼聯、阿仙奴、AC米蘭都有興趣收購馬高阿辛斯奧。