【官宣】利物浦簽蘇格蘭新星 組軍已完成?

20220620
東網電視
更多新聞短片
最強博彩盤路過關神器《串績王》:http://win.on.cc/football/ 
利物浦周日(19日)宣布,球會正式簽入蘇格蘭右閘新星卡雲藍斯,轉會費總值達650萬鎊,亦係「紅軍」今夏第3宗收購。不過,有報道指利物浦今夏嘅組軍工作已經完成,目前已冇計劃再買任何球員,呢個消息難免會令利迷失望。
18歲嘅卡雲藍斯係上季蘇超最佳新人,利物浦對佢嘅斟介已有一段時間,最終同鴨巴甸達成協議,利物浦先支付400萬鎊轉會費,另外250萬鎊浮動獎金條款。將會着起22號波衫嘅卡雲藍斯表示:「利物浦係世界其中一間最大球會,佢哋亦畀好多機會新人,我希望可以喺季前熱身表現自己,如果有好表現,我一樣可以挑戰正選位置。」
轉會市場只係開始冇耐,利物浦已經簽入達雲紐尼斯、中場法比奧卡華路同卡雲藍斯,雖然有傳「紅軍」想買一名星級中場,但英國《每日郵報》消息指,利物浦認為今夏組軍已經完成,暫時冇意思再增添人手,依家會集中處理隊內合約問題,包括沙迪奧文尼同穆罕默德沙拿。