簽唔到添巴　曼聯轉斟佢隊友

最強博彩盤路過關神器《串績王》：http://win.on.cc/football/　

曼聯組軍圍住阿積士嚟轉，後防新星添巴放棄轉投曼聯後，曼聯已轉移目標，改為接觸另一阿積士後防大將利辛度馬天尼斯，不過可能要同阿仙奴競爭。

荷蘭傳媒報道，曼聯遭添巴拒絕後，立即啟動「Plan B」，轉斟另一阿積士中堅利辛度馬天尼斯，準備提出報價，消息指曼聯新帥坦哈格同馬天尼斯合作長達3年，對呢位24歲阿根廷國腳有充份了解。

除咗曼聯睇中佢，原來阿仙奴一早吼實呢位中堅，並打算以3000萬歐元斟介，但遭阿積士拒絕，不過據報指阿仙奴並未放棄，或於稍後向阿積士再提報價，如果曼聯介入競爭，該中堅嘅身價隨時被抬高。