阿仙奴簽新韋拉　波圖被轟賣得太平

足球博彩神器，每日重心提供盡在《彩報》：http://win.on.cc/football/　

英超勁旅阿仙奴周三(22日)宣布，葡萄牙中場法比奧韋拉正式加盟，呢位22歲中場係上年U21歐國盃最佳球員，前波圖會長候選人盧保就公開炮轟，話波圖賤價賣走呢粒明日之星係錯誤決定。

法比奧韋拉同阿仙奴傳奇中場韋拉同姓，不過呢位葡萄牙新星就係攻擊球員，上季喺葡超有14次助攻排聯賽第2位，今次以約3,500萬鎊轉會費加盟，領隊阿迪達表示：「好開心簽入呢位更有才華嘅球員，法比奧韋拉好有創造力，會為球隊進攻注入質素同變化。」

阿仙奴簽到呢位葡萄牙新星，但前波圖候選會長盧保就炮轟球會決定：「法比奧韋拉係波圖最佳球員，用呢個價錢賣走佢簡直離譜，我哋講緊係一個波圖自家培訓嘅寶石，呢單咁差嘅交易真係難以置信。」