亞協盃 帶領臺南市FC爭出線 郭嘉諾:望創造歷史

2022年06月22日 19:05
東網電視
更多新聞短片
(臺南市FC Facebook圖片)
即將於泰國武里南展開的「亞協盃」J組賽事,除了有東方龍獅和理文兩支港超球隊之外,還有由香港教練郭嘉諾領軍的臺南市FC。「嘉諾Sir」接受本報訪問時,透露球隊備戰的情況,亦分享執教球隊超過1個多月後的感想,直言希望在今次亞洲賽,帶領台灣足球創造歷史。
為備戰今次「亞協盃」分組賽,臺南市FC於上周二(14日)已啟程前往泰國,進行賽前集訓,並頻頻約戰當地球隊「拍跳」,包括曾與泰國U19代表隊進行熱身賽,靠安以恩大演帽子戲法,以3比0擊敗對手。「嘉諾Sir」講到友賽目的,同時對球隊表現作總結:「都見到球隊唔同嘅變數,我哋喺台灣都喺主攻嘅球隊,部分球隊對住我哋都會縮後防守,所以我哋都希望喺泰國面對強啲嘅球隊,訓練防守企位,兩場友賽我哋都冇失過波,準備都唔錯。」惟「嘉諾Sir」續指因球員確診新冠肺炎和出現傷病情況,球隊陣容一直未能達至「夫添」狀態,或成今次征途的一大隱患。
由抵台後完成隔離,到正式接手球隊教鞭至今,「嘉諾Sir」已經與球員相處了超過1個月時間,他表示溝通上不成問題,亦談到對臺南市FC球員的印象:「佢哋係一班好年輕嘅球員,都好主動去問我嘢,佢哋好多人都冇出外踢過波,好想知道出面係咩情況。」他認為當地球員與香港球員的一大分別,在於戰術變化的適應能力:「喺當地聯賽,佢哋針對對手嘅戰術係比較少同單一,當我去同佢哋做戰術變化嘅時候,佢哋需要較長時間去適應時。」「嘉諾Sir」提到完成台灣企業聯賽首階段賽事後,球隊有足夠時間去進行戰術演練。
過往「嘉諾Sir」曾擔任港隊教練,亦執教過多支港超球隊,今次於「亞協盃」要面對香港球隊,他坦言自己未有太深感覺:「無論我帶任何球隊,去到亞協都係為球隊爭取成績。」去年中華台北代表隊於「亞洲盃」外圍賽第二圈附加賽,遭印尼淘汰止步,「嘉諾Sir」認為當地球員見到不少鄰近地區的代表隊,成功打入「亞洲盃」決賽周後,都不禁感到震撼:「佢哋都希望台企球隊,可以喺亞洲賽舞台發光發亮,呢個都係我嚟到之後想做嘅嘢。」
臺南市FC上屆「亞協盃」首嚐參賽滋味,「嘉諾Sir」表示球隊總結上次經驗後,今次是時候衝擊晉級資格:「以我哋球員現時狀態,今屆分組賽係有機會爭出線。」如何取得成績突破,「嘉諾Sir」表示關鍵在於球隊能否執行賽前部署:「泰國呢度天氣都幾熱,中立場比賽,邊隊都唔會有着數,希望球員可以做到我嘅戰術安排,為台灣足球創造歷史。」