曼聯IG晒奧脫福靚草皮　網民咩反應？

最強博彩盤路過關神器《串績王》：http://win.on.cc/football/　

曼聯今個夏天轉會市場遲遲未有收穫，球迷都等都好唔耐煩，不過「紅魔鬼」嘅社交網團隊就唔識洞察民情，日前喺IG發布一段奧脫福球場工人修葺草皮嘅影片，仲好自豪咁叫球迷欣賞奧脫福草皮嘅精美設計，結果當然引嚟球迷一片怨聲。

曼聯連續5年未有錦標落袋，喺18/19同20/21球季拎過嘅「英超最佳草皮獎」就成為球迷抽水熱話，雖然上年輸畀熱刺無緣衞冕，但曼聯似乎決心捲土重來，IG公布影片見到奧脫福嘅草皮靚到好似地毯一樣，只可惜球迷冇乜心情欣賞。

段影片嘅留言幾乎全部都係不滿言論，網民留言話：「球場好靚啦！咁簽新球員未呀？」「阿仙奴、曼城、熱刺、利物浦宣布新球員，曼聯就宣布新嘅草皮設計......」「識得開剪草機、唔識得開支票簽法蘭基迪莊。」