屈福特識玩!簽伊度代替柏金!

2022年06月22日 21:05
東網電視
更多新聞短片
最強博彩盤路過關神器《串績王》:http://win.on.cc/football/ 
今季由英超降落英冠嘅屈福特,近年有鋪收集「星二代」嘅癮,佢哋上年簽入荷蘭名將柏金以及名帥普捷天奴囝囝後,近日又成功羅致阿仙奴總監伊度位18歲公子加斯柏,就算唔踢得,都夠晒話題性!
18歲嘅加斯柏伊度同爸爸一樣司職進攻中場,上季代表阿仙奴U19比賽,不過今夏約滿後決定離隊,轉會權威記者Fabrizio Romano報道,屈福特已經同加斯柏伊度達成協議,日內就會正式簽約。
「大黃蜂」上年一口氣簽入阿根廷名帥普捷天奴個仔莫里斯奧,以及柏金囝囝米切爾,不過2人都冇機會喺一隊亮相,球季完結後已經離隊。柏金同伊度都係阿仙奴04年不敗球季功臣,兩位公子都係踢進攻中場,唔知加斯柏有冇機會幫「星二代」爭番啖氣呢?