傳艾朗藍斯去土超　同派路再合作

最強博彩盤路過關神器《串績王》：http://win.on.cc/football/　

威爾斯中場艾朗藍斯近年狀態低迷，年初以借用身份投格拉斯哥流浪未現未如理想，新球季將會重返祖雲達斯，不過呢支意甲勁旅亦都唔想要佢，盛傳艾朗藍斯將會轉戰土耳其，加盟由前祖雲達斯教練派路執教嘅卡拉古拉克。

據蘇格蘭《每日快報》報道，艾朗藍斯同祖雲達斯仲有1年合約，但祖記就想盡快踢走佢張貴價合約，如果球隊願意免費放人，卡拉古拉克就會樂意接受呢位威爾斯國腳。事實上，派路早前已暗示會向自己教過嘅球員埋手：「我有幸效力過一啲好重要嘅球會，我可以用自己嘅網絡去幫球隊招攬新球員。」

31歲嘅艾朗藍斯年底會為威爾斯出戰世界盃決賽周，佢亦唔想留喺祖雲達斯長坐冷板，相信佢亦樂意去同派路再度合作。