人窮志不短!巴塞想演轉會「帽子戲法」

2022年06月22日 23:00
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
巴塞隆拿雖然受到嚴重財政問題困擾,不過佢哋今夏轉會市場嘅野心就非常之大,據西班牙《世界體育報》報道,教練沙維已經定出3大收購目標,羅拔利雲度夫斯基、貝拿度施華同祖利斯古迪,希望可以喺轉會市場上演「帽子戲法」。
巴塞隆拿早前通過變賣資產計劃,預計至少可以幫球隊帶嚟5億歐元收入,轉會大計亦即刻火速展開,除咗繼續向拜仁慕尼黑追求羅拔利雲度夫斯基外,亦同西維爾就法國中堅祖利斯古迪轉會談判,雖然西維爾叫價6,000萬歐元係巴塞付擔唔起,但報道指巴塞有信心可以以較低價錢完成交易。
至於曼城中場貝拿度施華就係沙維心頭好,但呢單交易難度亦係3個目標中最高,首先轉會要先取決於法蘭基迪莊去留,如果巴塞真係以8,000萬鎊將佢賣畀曼聯,就會用呢筆資金去簽貝拿度施華。