尼馬出路有限?車路士壓紐卡素成熱門

2022年06月23日 09:00
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
巴黎聖日耳門(PSG)將尼馬掛牌出售嘅消息震撼球壇,不過呢位巴西前鋒嘅出路似乎有限,最大問題係佢高達4,890萬歐元嘅年薪,當今冇幾多支球會可以畀得起,富貴嘅英超係最大機會落腳地。傳聞車路士同紐卡素都有意思,不過有2大因素令車路士會喺呢場爭奪戰中贏出。
「暴發戶」紐卡素志切打造頂級陣容,尼馬作為標誌性收購係最佳選擇,不過「喜鵲」班主係沙特阿拉伯財團,同PSG嘅卡塔爾財團係處於敵對關係,而且紐卡素易主後未有瘋狂買人,繼續採取「理性消費」策略,連收購後防保治文同前鋒伊基迪基都要討價還價,未必會盡地一煲咁去買巨星。
傳聞車路士係「最似樣」一隊,佢哋將盧卡古外借國際米蘭後,急需搵返一個頂級前鋒加盟,而領隊杜曹喺之前執教PSG期間已同尼馬合作,更曾公開大讚呢位巴西天才:「我唔知呢個世界有冇球員比尼馬更具才華,我覺得冇咩可能。」