巴利現身卡迪夫城訓練場!英冠見?

2022年06月23日 10:10
東網電視
更多新聞短片
最強博彩盤路過關神器《串績王》:http://win.on.cc/football/ 
同皇家馬德里今夏約滿離隊嘅加里夫巴利,周四(23日)突然現身英冠球隊卡迪夫城嘅訓練場,同領隊史提芬摩利臣會面,據報呢間威爾斯球會非常渴望加里夫巴利能夠加盟,「大聖爺」新一季有望喺英冠登場!
32歲嘅加里夫巴利依家目標係年底世界盃決賽周,一直有傳佢會去家鄉球會卡迪夫城落班,事關威爾斯國家隊同卡迪夫城係共用同一個設施,佢家人亦都住喺加的夫,作為備戰世盃嘅地方係最佳選擇。周四係卡迪夫城開操日子,加里夫巴利突然出現訓練場同史提芬摩利臣見面,無疑令傳聞火上加油。
據《walesonline》報道,加里夫巴利同史提芬摩利臣商討去向問題,班主陳志遠亦全力支持呢個計劃,主席戴爾文就同加里夫巴利經理人進行交涉。據報啱啱去完旅行嘅加里夫巴利,過幾日就會再出發度假至7月16日,而佢將會喺出發前決定新球季去向。