車路士班主請自己做總監 施治考慮離隊

2022年06月23日 11:15
東網電視
更多新聞短片
最強博彩盤路過關神器《串績王》:http://win.on.cc/football/ 
車路士管理層大執位仍然持續,球會周三(22日)官方證實總監瑪蓮娜離任消息,不過今次人事變動當中,最有趣嘅係美國新班主保利嘅角色,佢除咗會代替畢克出任主席外,仲會出任臨時總監一職,今個夏天車路士嘅轉會事務都由佢負責。
擔任車路士望席19年嘅畢克日前宣布月底離任,班主保利代替係意料中事,但車仔周三官方確認總監瑪蓮娜亦會離隊,今個夏天會以一個「非官方」嘅顧問職位,協助球隊完成夏天轉會窗工作,聲明更證實保利會兼任埋臨時總監一職。
阿布拉莫域時間嘅「三巨頭」畢克、瑪蓮娜同施治,依家只係剩低技術總監施治,消息指呢位傳奇門將亦考慮離開,今個星期內會同保利進行商討,預計保利留人機會極低。至於新總監人選方面,馬體會總監貝達、前利物浦總監米高愛華士同前車路士總監伊文拿路都係候選人之一。