超尷尬！電視台直播文尼現身擺烏龍

足球博彩神器，每日重心提供盡在《彩報》：http://win.on.cc/football/　

《天空體育》擺烏龍影片：https://bit.ly/3zULceL　

拜仁慕尼黑周三(22日)正式宣布簽入沙迪奧文尼，呢單轟動交易自然係德甲熱話，《天空體育》亦派隊去拜仁總部直擊成個轉會過程，不過直播期間就出現尷尬一幕，沙迪奧文尼現身嘅歷史性一刻，記者同攝影師居然認錯人，鬧出大笑話。

《天空體育》著名記者Plettenberg當然喺拜仁總部外面等候，當沙迪奧文尼架紅色跑車駛入，Plettenberg就興奮表示：「沙迪奧文尼喺車入面，我哋要打招呼，問下佢有咩想同天空體育觀眾講......」而直播室嘅主播亦搞晒氣氛咁話：「要出場啦！」

當鏡頭Zoom去打開嘅車門，點知落車嘅竟然係一名不知名黑人，呢位文尼嘅隨行職員見到記者同鏡頭對住佢，亦顯得一頭霧水，個主播隨即表示：「噢！唔係佢！等一陣...」原來沙迪奧文尼已經喺另一邊車門落車，而呢一段影片就喺網民被瘋傳。