英雄回歸？國米球迷組織拒歡迎盧卡古

足球博彩神器，每日重心提供盡在《彩報》：http://win.on.cc/football/　

車路士將盧卡古外借國際米蘭嘅轉會接近完成，呢位比利時前鋒時隔1年後「回家」，不過呢位昔日「國米皇帝」依家就盡失光環，球迷仍然記恨佢上年背叛出走，有球迷組織發聲明呼籲，叫人唔好去歡迎盧卡古回歸。

盧卡古上年以近1億鎊轉會費加盟車路士，結果係災難性收場，今次「知衰」重返國米，極端球迷組織Curva Nord就發出聲明：「盧卡古效力國米期間曾被視為『皇帝』，但依家只係球隊其中一個球員......我木哋記得佢上年嘅背叛令無數球迷心碎，我哋唔會再為盧卡古喝采，亦呼籲所有球迷唔好拎Banner同旗幟去歡迎佢，扮晒之前冇事發生一樣。未來對盧卡古嘅態度，要佢喺球場上用謙遜同汗水去換取。」