杜安薛比變筋肉人　搶馬古尼正選位

足球博彩神器，每日重心提供盡在《彩報》：http://win.on.cc/football/　

曼聯今季買人遲遲未有進展，但對於陣中一班年輕球員嚟講就係難得機會，經歷過2次失敗外借嘅青訓產品杜安薛比，今夏將會回歸曼聯，24歲嘅佢日前喺社交網公開「操肌」成果，筋肉人造型令唔少球迷嘩然，似乎想話畀坦哈格知佢仲有力喺曼聯立足。

杜安薛比喺曼聯出道嗰陣係威係勢，21歲就試過喺聯賽盃做隊長，22歲就出戰歐聯，不過之後外借阿士東維拉同拿玻里都冇乜表現，上季喺拿玻里只係上陣過2次，今夏回歸曼聯本來都冇乜人睇好，但佢為取悅新帥坦哈格決定狂操，成功練出「筋肉人」身型。

曼聯中堅哈利馬古尼嘅表現備受批評，域陀連迪路夫亦唔係頂級後衞，艾歷拜利更加被球會掛牌出售，杜安薛比如果可以證明自己有進步，華拉尼中堅拍檔個位唔係冇得爭架！